長沙灣喜雅：露台玻璃突然爆裂？
今次幫喜雅一位戶主救急！戶主話露台塊玻璃好端端突然爆開，真係嚇親。發現除咗玻璃要換，連道趟門嘅轆仔都已經爛左，平時推門都唔順～
卓越團隊處理程序：
- 清場要徹底
新玻璃上場前，最緊要係清走鋁框入面啲舊玻璃碎同殘留膠漬。我哋師傅逐寸清理，確保乾乾淨淨。
- 三人協力，安全至上
呢塊玻璃重到不得了！一定要出動三個師傅夾手夾腳先夠穩陣。安裝過程我哋做足晒防護，玻璃放入槽位之後再用專用膠帶定好位，防止位移。
- 打膠使用專業 791 玻璃膠
最考手藝就係打膠！我哋堅持用專業 791 玻璃膠，仲要「打足兩層」，師傅多年經驗，整完出嚟，條膠線靚到同原裝無分別！收口位都做得完美
- 最後換埋轆仔，推門即刻變輕
對比返新舊轆仔（睇片就知，舊嗰個裂咗），換咗全新轆仔之後，再校返好道門嘅高度同水平。而家推一推就滑走！！